韓式旗艦 一試上癮KIA Sorento Diesel

一提到Diesel油渣引擎，好多人都即時說不，呢期試車報告輝哥帶你睇真啲，為你全面解構KIA Sorento Diesel，7座大空間搭載全新油渣動力系統，超班配置絕對能超乎你嘅想象。過去呢幾代Sorento一直都獲得車主一致好評，對比上一代車型，新車擁有極大提升，無論喺外觀設計方面，亦或者車身做工、剛性方面，甚至乎車內籠嘅搭配及設備，提升幅度絕對係顯而易見。

外型方面，KIA Sorento Diesel今次最大嘅改變就係成個車頭及車身線條都完全變曬，車頭鬼面罩採用KIA品牌旗下新生代外型設計，凹凸線條產生層次感，亦加強散熱功能，試車過後就算摸一摸車頭引擎蓋，竟然沒有感覺升溫。車身線條設計十分硬朗，偏向歐陸車型設計。

門邊倒後鏡所使用嘅科技可謂大有來頭，喺倒後鏡下方側配有攝像鏡頭，每當車主要轉線打指揮燈時，車內儀錶版上就會即時顯示同一方向嘅攝像頭所拍攝嘅影像，方便車主就算在儀表版都能了解車身側面情況。

車尾方面，尾燈用上直線線條，亦都配合翻架車硬朗嘅設計思路，突顯今代獨有的特別風格。尾門除咗有自動開關功能外，當車主鎖車後身上只要持有車匙，來到尾門位置大約兩步距離，尾門會自動感應車主位置，並自動開啟。除此之外，尾門嘅開啟高度亦可以根據車主喜好而調教。

至於大家非常關心嘅車內座椅配置，上落車方唔方便等問題，輝哥即場為你演示。考慮到車高因素，廠商標配車身兩側迎賓踏板方面乘客上落。而乘客只需打開中門，見到中排座椅傾倒按鈕，一鍵即可完成中排座椅移動，乘客就可以輕鬆前往後排落座，無論大人或者小朋友，都可以輕易完成操作。後排座椅空間設計給身高最高175cm嘅乘客乘坐，好似輝哥呢種「標準身高」，坐落去頭部及膝部都有非常大嘅空間，十分闊落。

鍾意Car Camping嘅朋友一定會鍾意呢部KIA Sorento Diesel，只要拉兩個手抽並按下兩個按鈕，中後排座椅就可以全部瞓平曬，加上超大尾箱空間，絕對能滿足一切出行需要。再加上車頂全景玻璃天幕連全電動遮光罩，通透嘅感覺能給予全家人開揚感覺。

油渣車入尿素一定會好麻煩？咁又唔喺嘅，尿素加注口就喺油箱口隔離，而廠商亦提供兩年100,000公里不限次數添加尿素服務，每5,000公里返廠保養，廠商就會幫你打點好一切。講起保養費用，咁大架車會唔會好貴？當然唔會，每次原廠保養換油不用1,100元，絕對划算。

今次試駕總共經歷一日一夜，行勻曬澳門一圈，表面看雖然KIA Sorento Diesel車身好長，又差唔多兩米闊，但是揸上手完全好似揸緊一架細型SUV嘅感覺，好靈活並且起步非常爽快，讓人感覺不到揸緊一部油渣車。

可能有啲朋友聽到油渣Turbo會有少少卻步，又或者有啲疑慮，但係KIA Sorento Diesel所採用嘅全新2.2L 油渣Turbo引擎，相比起以前舊款油渣引擎，噪聲方面得到非常大改善，除咗架車係低速時會有油渣引擎獨有嘅「噠噠」聲之餘，起步之後喺車內都完全聽唔到引擎聲，此乃歸功於隔音做得極好，不僅如此，起步加速都唔會有滯呆嘅感覺，加速十分順暢。

再講KIA Sorento Diesel嘅波箱搭配，新車採用8速雙離合自動波箱，配埋All Wheel Drive四輪驅動技術，本身自帶四個行車Mode，分別係Comfort、ECO、SPORT同埋SMART。成套動力系統感覺十分順暢及全面，即使選擇最基本Comfort Mode，扭力及速度感表現依然強勁。當然，有得轉Mode一定要試勻，在Sport Mode下行駛逾10幾公里，起步極之爽快，亦都好有激情。但若然市內一般日常使用，Comfort Mode無論喺慳油或者喺舒適度方面就足夠了。

今代KIA Sorento Diesel嘅設計理念，有種歐洲車獨特嘅扎實感，新車嘅彈弓避震完全唔似一架以前大家心目中嘅韓國車，其實如果蓋住個Logo，上車盲測後大部分人或會都有駕駛一部歐洲車嘅感覺。即使行駛多彎嘅路段中，車身傾側度依然好輕微，可見即使車身稍長，配備嘅懸掛系統彌補得十分出色。就盤行經坑渠蓋等雜物，車身跳動同一架歐洲車幾乎冇分別。現時，KIA Sorento Diesel已經開放試駕，想試駕嘅朋友記得來KIA 澳門陳列室感受全新體驗啦。

KIA澳門陳列室

地址：澳門勞動節大馬路御景灣第三座地下

試駕熱線：+853 2871 7979