911 GT2 RS刷新Nurburgring最好成績

6月14日，Porsche團隊旗下車手Lars Kern駕駛一部裝備全新套件嘅911 GT2 RS（991），喺公證人嘅見證下，以6:43.300嘅成績打破左上一代911 GT2 RS所保持嘅Nurburgring最速量產車記錄。新車平均時速達到驚人嘅185.87km/h，據測試車手Lars Kern回憶，Manthey Performance性能套件讓911 GT2 RS猶如膠水版吸住喺地面，每個彎道都擁有更快嘅速度之餘，車輛本身更易於駕駛，和車迷心目中「寡婦製造者」嘅形象另設不同。

Porsche Tequipment團隊為新車打造嘅呢幅全新Manthey Performance性能套件，包括底盤、制動以及空氣動力學套件。底盤方面，得益於Porsche多年來對於賽車運動嘅經驗，前後減震器均可調節，為車手喺賽道中帶來更為切合嘅底盤設定。而剎車迫力則採用PCCB 陶瓷製動系統，有效降低賽車長時間激烈駕駛中產生嘅剎車熱衰減問題，同時亦提升剎車靈敏度。車胎方面，新車前20吋後21吋車胎均使用鎂製多幅輪圈，相比上代車型減輕咗11.4kg，使用Michelin Pilot Sport Cup 2 R頂級街跑車胎，帶比新車更好嘅路感。

今次新車裝備嘅全新Manthey性能套件內，其中空氣動力學套件則由Porsche工程師大幅改良，前擾流板新添加咗一條由車頭底部延伸至前胎兩則嘅大型碳纖維風刀，喺200km/h嘅時速下，相比上代車型超過20kg下壓力。而車尾部分，全新尾翼得到重新設計，連同改進嘅車尾下擾流板及後胎上嘅空氣擴散器，相同速度下相比上代車型增加咗超過100kg下壓力，另到原本911 GT2 RS躁動嘅車尾更加受控，易於車手駕駛。