AMG發布新款GT 四門轎跑車

作為深受全球車迷追捧嘅平治AMG GT四門轎跑車，近日又有多款車型上市，分別為AMG GT 43、AMG GT 43 4MATIC+ 同埋AMG GT 53 4MATIC+三個車型，當中嘅低功率嘅GT 43連埋GT 43 4MATIC+為全新型號。而最新發布嘅三款新車都將使用平治3.0升直列6缸Turbo引擎連48V電機系統，其中AMG GT 43同埋AMG GT 43 4MATIC+最大功率為367匹馬力，峰值扭力達到500Nm，0至100km/h只需唔夠5秒。而更高功率嘅AMG GT 53 4MATIC+嘅最大馬力為435匹馬力，峰值扭力達到520Nm，而0至100km/h為4.5秒。

作為來自德國Affalterbach嘅第一款四門轎跑車型，AMG GT四門轎跑車嘅設計融合動感及優雅美學為一身，三款新車基於原本型號所打造，但喺某啲細節再作調整，例如新車嘅前包圍內部細節更加豐富，新增嘅底部飾條亦更加提升車輛嘅高級感。除此之餘，三種全新配色可供車主選擇，包括金屬藍、啞光藍以及亞光白，如果想架車更具個性，車主可以根據個人喜好，選擇全新嘅夜色組件或碳纖維組件，為新車賦予更強嘅運動感及氣勢。

內飾方面，新車採用全新設計嘅AMG Performance多功能方向盤可謂大有來頭，採用nappa皮革連DINAMICA超細纖維所打造，有齊輕量化及穩定性等多重優勢。左右兩側配有鋁製換檔撥片，可供車主手動控制AMG SPEEDSHIFT MCT 9G波箱，可以比車主更加操控自如嘅感覺。並且，多功能方向盤更有傳感器可偵測車主動靜，如果車主長時間處於不活躍狀態，多功能方向盤會自動偵測，並控制車輛啟動緊急制動系統。