Audi Grandsphere概念車：打造科技陸地頭等艙

近日喺德國一年一度嘅IAA Mobility大展上，Audi公布全新電氣化豪華座駕Grandsphere概念車，繼日前Audi公布嘅Skysphere運動GT概念車後，品牌旗下又一款次世代產品面世。新車車長5.35 m，Audi將私人旅行嘅奢華與最大舒適度同埋全面飛機上服務體驗相結合，搭配L4級別自動駕駛功能，車輛內部變成了一個闊落嘅全新領域。排座椅成為頭等艙休息室，擁有最大空間同埋更自由嘅視野，並可以使用奧迪全新系統，使用整體數字生態系統所有功能。

作為Audi未來旗艦房車嘅概念車型，Grandsphere 概念車車門為顛倒，並且採用冇B柱設計。乘客一上車，成個車內世界就會向乘客開啟。但喺乘客進入之前， Grandsphere 已經通過通道識別技術來識別乘客身處環境，並且自動檢測車主同埋乘客嘅位置，之後車內系統將主動調節各個座椅調同埋全新舒適功能，例如車內溫度控制。同時，信息娛樂系統將訪問乘客最近使用嘅服務，並喺車內無縫恢復。例如，乘客喺平板電腦上播放視頻，Grandsphere會喺車內顯示屏上自動播放。

巨大嘅車門玻璃同埋一體式擋風玻璃連透明天花板，亦加強車內整體格調。傳統房車老闆位一般設置喺後排，而Grandsphere嘅設計師將頭等艙內嘅老闆位移到前排，因為車內已經冇咗方向盤同埋油門等操控駕駛功能嘅設備同裝置，前排真正變成咗自由空間，並提供完美視野。

Audi Grandsphere嘅技術平Premium Platform Electric，採用專為電池供電而設嘅電力驅動系統，。PPE 關鍵元素喺車軸之間嘅電池模塊，採用扁平化電池佈局，可容納約 120 kWh電量。除此之餘，Audi喺Grandsphere上並冇放棄放棄對品牌至關重要嘅quattro 四輪驅動系統，設計師喺概念車嘅前後軸上，都安裝咗獨立電機引擎，使用電控技術來協調並且為車輛提供全輪驅動，喺駕駛動態和能源效率之間實現完美平衡。數據方面Audi Grandsphere兩個電機尹婷能夠提供530 kW總輸出功率同埋960Nm扭矩。

前輪通過五連桿軸連接，專為電動汽車優化。喺後部，有一個多連桿軸，與前部一樣，由鋁製成，並且安裝有後輪轉向機制。Grandsphere亦採用Audi空氣懸架，一種帶有自適應阻尼器嘅單體懸掛。高科技系統可以了解即時路況，通過機電執行器喺幾毫秒內分別拉起或推下每個車輪。從而顯著減少加速或製動時嘅衝擊力。由於前置攝像頭可以識別路況，因此可以通過攝像頭預先調整懸架。