Audi即將離開Formula E賽事

近日，Audi於品牌官網上宣布，繼8月14至15日嘅賽事之後，車隊及旗下工廠即將告別Formula E嘅賽事。作為第一個參與Formula E賽事嘅德國汽車廠商，Audi喺Formula E嘅賽場上取得多次勝利，贏取多達46座獎盃，並且以2,877圈嘅總成績保持車隊喺賽場上最多行駛總里程數。

Audi Sport負責人Julius Seebach表示，現今電動出行方式喺Audi品牌之中已不屬於未來出行方式，品牌旗下E-tron RS等高性能電車嘅出現，代表Audi所屬嘅電氣化時代已經來臨。現實Audi Sport專注於喀爾拉力賽全電車型嘅開發，相信一台電動全地形SUV亦喺Audi品牌未來嘅發展方向，值得令人期待。

本周末，Formula E嘅賽場來到德國柏林，喺前坦普爾霍夫機場2.355公里嘅賽道上角逐冠軍，周六嘅比賽先以逆時針進行，而周日嘅賽事則相反。喺柏林站之前，Lucas di Grassi同佢嘅團隊已經喺擁躉支持榜上遙遙領先，處於Fan Boost 45榜首位置，而佢嘅團隊亦以77 FanBoost取得排名榜首。