Audi打造全新運動外觀

汽車運動DNA並非性能強大咁簡單，Audi為旗下多款車系打造全新運動外觀，賦予車輛獨有個性。其中，今年最新上市嘅四門房車A4及A5都可選配全新套裝，代號為S line competition和S line competition plus。全新套裝包括最新設計運動包圍以更多純黑飾板所覆蓋，黑色磨砂鬼面罩連S4前下唇更顯運動基因。其中兩款車型嘅S line competition plus套裝，都將配有LED大燈及環境照明套件，所有超過150kW動力車型，都將配置紅色剎車卡鉗，營造獨特氣勢。

作為品牌旗下中大型SUV車型，Q7及Q8喺今次升級中亦有斬獲，兩款車型嘅全新competition plus套裝外觀更加引人注目，升級純黑Singlegrame鬼面罩讓新車氣勢非凡，並可選裝更多碳纖維配件， S徽標LED投影迎賓燈彰顯不凡，仲有戰鬥格十足嘅紅色剎車鮑魚卡鉗。車胎方面，為更好行車表現，新款Q7可選配22吋車胎，而Q8則可選配23吋車胎。

除咗大型房車，Audi最具操控感嘅細型房車A1亦有進化，三個A1版本分別為A1 Sportback 40 TFSI、35 TFSI及30 TFSI都可選裝S line competition套裝。一體全黑車頂似足拉力賽風格，外型多處純黑細節，十分強調運動感。除此之外，選裝S line competition套裝車主將獲得全套紅色縫線內飾，讓車內更具戰鬥氣勢。