BMW 全新M power運動型SUV登場

近日，BMW M GmbH公布咗全新M power車型，分別喺BMW X3 M Competition同埋BMW X4 M Competition，兩架新車都將搭載BMW最強嘅直六汽油引擎，可輸出510 hp馬力及650 Nm扭力，0至100km/h只需3.8秒，最高車速可達到250km/h，如車主揀選M Driver's Package，最高時速可達到285km/h。

BMW M GmbH根據自身經驗，對於兩款新車引擎進行咗全面升級，其中，設計師為新車引擎配備咗BMW M3及M4同款輕量化鍛造凸輪軸，呢條全新輕量化凸輪軸可承受更高嘅扭力之餘，輕量化設計亦將提升更高嘅旋轉效率。除此之餘，新車喺冷卻系統上亦花足功夫，除咗標準中冷之餘，新車仲安裝有兩個細型散熱器，分別用於引擎機油冷卻同埋波箱油冷卻只用，保證車輛喺激烈駕駛時亦能全力輸出，大大提升新車嘅性能上限。強大嘅動力通過8速M Steptronic波箱傳遞至各個車胎。

標配M xDrive AWD驅動系統有助於兩款新車更加靈活，其中，BMW引以為傲嘅電控M xDrive AWD驅動系統可切換成純後驅模式，而新車調教亦更為傾向後驅車型，電子系統淨喺會係偵測到後輪輸出達到極限時，通過DSC動態穩定控制系統向前輪輸出扭力。除此之餘，兩款新車更安裝有後胎差速裝置，通過兩個後胎唔同扭力分佈，達成更快嘅轉向速到。根據官方資料顯示，兩款新車可以配有電磁懸掛系統，同埋出色嘅底盤調校相結合，相信新車嘅駕駛感受絕對過癮。