Nissan Note電動升級

於上年上市嘅第二代NISSAN Note，近日又有新型號上市，6月15日，NISSAN喺日本市場推出全新Note Aura「高質感」車型，作為入門級都市座駕，新車十分注重外觀同內飾細節，定位於Note家族中最高班配置，相比原車型擁有更闊落嘅車體同電氣化升級。其中，Note Aura車身外型更有設計感，14種可選車身顏色彰顯新車年輕活力，品牌新一代鬼面罩結合標誌性LED頭燈，非常具有時尚科技感，而LED頭燈亦具有自適應功能，非常實用。

動力方面，新車前驅同四驅兩種版本，其中採用HR12DE汽油引擎連EM47電機摩打嘅前驅車型相較上一代版本增多20PS馬力，可輸出136PS馬力及300Nm扭力。而結合e-POWER電氣化動力系統四驅車型，前軸依然採用同前驅車型相同嘅動力配置，而後軸將多加一組MM48電機摩打，通過智能電控四驅系統，為車主提供強大而又平穩嘅行車體驗。

「高質感」亦融入咗Note Aura嘅內飾之中，合成皮連高級絨織布座椅、軟質塑料及原木飾版等內飾，無處唔展現新車獨有嘅時尚與個性，12.3 吋數碼中控儀表版功能亦十分強大，衛星導航、音響等多媒體資訊應有盡有。除此之餘，新車亦十分重視車內隔音，車頂、車門連前門玻璃都採用降噪設計，再加上全車美國影音專家品牌Bose Corporation定制喇叭，通過先進技術，為車主及乘客提供輸出放鬆嘅出行體驗。