Toyota氫能源賽車將參與24小時耐力賽

氫能源動力一直都喺Toyota引以為傲嘅技術之一，但喺外界一直都質疑氫能源嘅穩定性。同汽油動力唔同，氫能源十分活躍，如果出現洩漏或者意外，將成為不可磨滅嘅災難。近日，Toyota對外宣佈，來緊5月21至23日所舉行嘅24小時耐力賽上，將派出最新研發嘅氫能源戰車，勢必要證明氫能源動力系統嘅穩定性。

根據Toyota總裁豐田章男介紹，氫能源賽車以一架 Corolla為車體，動力配置除儲能裝置外，與一架GR Yaris相差無幾，將採用三缸引擎連AWD四輪驅動系統。但喺無可否認，使用氫能源動力參加24小時耐力賽絕對喺一個瘋狂嘅諗法，根據Toyota工程師伊藤直明回憶，喺2016年Morizo賽道所測試嘅氫能源賽車，賽車喺賽道上飛馳咗唔夠5分鐘，引擎就發生意外，通過多年嘅努力，工程師不僅改造噴油系統，通過電噴控制系統，適應氫能源氣態屬性，更加大改善氫能源儲存設備，賽車所搭載嘅第二代Mirai技術，可容納180升氫能源。