【成都車展巡禮】以坦克之名打造國產硬派越野SUV

近年硬派越野SUV喺內地市場愈發受歡迎，基於呢種趨勢，內地長城汽車向全球推出高端越野品牌坦克。全車系十分注重Off-Road能力，採用更強抗扭力嘅非承載車身，搭配世界頂尖嘅強悍動力組合同智慧四驅系統，以強大嘅扭力穿越打造超強通過能力。旗下首款SUV坦克300受到內地市場追捧，20至30萬嘅價格擁有前後兩把差速器，真喺非常超值，適合同朋友或一家大細假日田園時光。

而今次成都車展，品牌唔單止帶來旗下坦克300，亦對外公佈全車型——坦克500，新車兼顧硬派越野同豪華屬性，7座設計擁有中大型SUV嘅龐大身軀，方正嘅外型線條，連大氣車頭鬼面罩，詮釋品牌鐵漢柔情嘅主張。在動力方面，坦克500搭載長城汽車自研旗艦級「3.0T+9AT」動力總成，無論技術或喺參數，都足以媲美海外豪華品牌同類產品，代表國內汽車喺核心技術實力上大幅進步。

其中，引擎最大功率達到260kW，喺1500-4500rpm實現500N·m峰值扭矩，輕勝任公路、山路、沙地、泥地等複雜路況。得益於雙VGT增壓器加持，喺1000rpm即可輸出340N·m超強扭矩，輕踩油門就能感受到一股強大嘅推背感。此外，引擎配備P0 48V輕混系統，帶來絲般順滑的無感啟動體驗，配合米勒迴圈、全MAP機油泵等，燃油經濟性更上一層樓。

與引擎匹配嘅9AT波箱，喺中國品牌首款自研縱置9AT，開創行業先河。最大750N·m扭矩承載力，提供強大嘅後期改裝空間；速比範圍8.843，時速90km/h即可掛入9擋，大幅降低高速巡航油耗，提升長途穿越便利度。