【成都車展巡禮】親民價格+超班電池充電技術，廣汽AION打造潮流性價比之選

今次成都車展，廣州汽車新能源品牌AION，攜旗下全部車型隆重登場。主打性價比同埋年輕市場嘅廣汽AION，以價格同埋型格外型喺近年內地新能源車市場受到追捧，今次車展廣汽AION攜三款限量改裝車驚豔亮相，其中包括1款AION Y限量款愛琴海敞篷版、1款AION Y限量款賽博電競版和1款AION LX四座商務版，車展首日AION展台將對這三款改裝車舉辦一場獨特嘅「AION人氣改裝爭霸賽」，展現品牌先進、好玩、新潮、高品質嘅獨特基因。

除咗型格年輕嘅產品形象，廣汽AION品牌嘅電池技術一直處於行業領先，7月份公佈嘅擁有1000km續航里程嘅海綿矽負極片電池技術嘅AION LX，喺今次成都車展以有亮相，海綿矽負極片電池擁有體積更細同埋重量更輕嘅特點，喺同等電量嘅情況下，海綿矽負極片電池可實現體積減少20%、重量減少14%嘅絕對優勢。

根據電池嘅特性決定，現時大部分電車入電嘅時間要遠遠長於油車入油時間，而廣汽AION嘅超倍速電池技術連A480超充設備，可以實現充電5分鐘增加續航200公里嘅超班數據，喺純電乘用車領域處於全球領先。該項技術已經得到國家權威認證，並且得到世界紀錄認證機構WRCA嘅證實，喺未來，廣汽AION將通過超倍速電池技術連A480超充設備技術建立超級充電站，讓車主可以好似油車入油嘅模式，利用更短嘅時間為電車插電。