【車展前瞻】BMW iX3第五代eDrive科技

你估BMW最早嘅一部電動車係幾時誕生？喺1972 年慕尼黑舉行嘅夏季奧運會，有BMW 1602e純電動已經喺耐力賽中在運動員前面行駛，主要用途係幫佢哋影相同埋供水；經過 50 年不斷發展，今日嘅 BMW eDrive 技術同BMW i 子品牌已經獨當一面，量產成為純電動車型 BMW i、BMW iX3^、BMW i3 和 BMW i3s，一系列零排放、靜音駕駛嘅電動汽車，帶畀你全新嘅駕駛樂趣。

今年BMW集團參展「第十二屆中國國際汽車博覽會」一樣人強車壯，旗下品牌BMW同MINI聯合共有十多款新車亮相，展場中相信最多人圍應該都係BMW iX3同埋MINI ELECTRIC RESOLUTE EDITION特別版兩款主打新車。

BMW iX3嘅外型沿著iX系列的SAV外型設計，配上近乎封閉的雙腎形進氣鬼面罩，辨識度高，還全新設計辨識度高的LED頭燈，以及新雕刻的前圍裙，引人注目的三維 LED 尾燈，前部和後部採用 BMW i Blue 的特定車型裝飾。本澳發售嘅BMW iX3版本，標準配備M SPORT EDITION，包括有M Sport包圍套件，M Sport真皮軚環，M Sport專屬內飾板，20吋M Sport空氣動力學輪圈，Adoptive電子懸掛系統，亮黑套件及車頂行李架等。

iX3車廂選用Vernasca真皮座椅，前座為運動型設計連電熱功能，12.3吋全數碼儀錶板和12.3吋觸控中央螢幕，配合iDrive 7.0系統，可使用廣東話聲控語音功能，更備有原廠中港澳三地導航，為駕駛人士提供強大的支援。

iX3使用第五代eDrive電動驅動系統技術，加上擁有後驅馬達輸出286HP，0至100公里加速只需6.8秒。容量為73.83kwh的高壓電池組，綜合電耗：18.9 – 18.5 kWh/100 km，憑着高效的動能回收系統，續航里程達460公里，最高可支援150KW直流電快充，充電10分鐘可行駛100公里。BMW iX3長達8年/16萬公里的高壓電池原廠保用。

MINI ELECTRIC RESOLUTE EDITION刻意選用 John Cooper Works 車型專屬嘅車身顏色 Rebel Green經典演繹，增強運動感；同Pepper White 車頂及鏡殼飾面撞晒色，加上採用Electric Collection Spoke造型嘅17吋合金輪框，潮味十足。Bonnet Stripes 引擎蓋拉花飾條配迎賓踏板均示以漸變平行線組合圖案，打破傳統對稱性更顯特色。Nappa 運動皮革軚盤飾有特別版字樣徽章, 盡顯車型個性化。動力採用135 kW/184 hp電動馬達，依然敏捷靈巧，續航里程234公里（WLTP）。

第十二屆中國（澳門）國際汽車博覽會

11月11至13日@澳門威尼斯人金光展覽廳

寶馬集團展位：A002