【車展前瞻】五菱小帥哥Mini EV Gameboy現身

內地汽車品牌五菱一向受潮人歡迎，响11月11至13日嘅「第十二屆中國國際汽車博覽會」上，可以見到以電玩為主題嘅宏光Mini EV Gameboy Edition；喜歡精緻啲嘅朋友仔，品牌以「未來感摩登座駕」為主題嘅寶駿KiWi EV，就啱你潮得嚟又型仔嘅品味。

Mini EV Gameboy Edition比品牌其他車型都更活潑跳脫，配備 LED 日行頭燈組、全新水箱罩及前後保險桿前造型，加上有「GB」徽章，呢架升級版揸出嚟已經潮爆。

內飾充滿金屬感菱格設計，中控台按鈕及置杯架等都係電玩迷風格。動力系統選用26kWh磷酸鐵鋰電池，馬達輸出最大馬力有41hp，續航力300公里。四款車型包括黑紅色的「Hurricane Phantom」；迷彩綠的「Jungle Crossing」、白色的「Interstellar Roaming」、啡色的「Party Sweetheart」、青綠色的「Lime Soda」及粉紅色「Cherry Blossom」。

有人話寶駿KiWi EV就係宏光Mini EV嘅豪華版，唔知今次嚟澳門嘅係咪2023年版呢？寶駿KiWi EV 2023年版同樣的的骰骰，標配有31.7kWh 電池，提供最多300公里續航距離。備有智潮版40kW或智奢版50kW摩打兩款可選，兩者最高時速分別係105同115公里，50kW車型仲另提供DJI 靈犀智能駕駛系統的大疆版。大疆版嘅靈犀智能駕駛系統感應器數量較普通版多超過10個，包括一個毫米波雷達、12 組超聲波雷達和雙鏡頭前方相機等，提供立體雙目鏡頭、聚焦市區行車同埋智能泊車，並配合感應器合理調度算力，以場景定義作出智能駕駛輔助。外觀上靠拼接車身的撞色而夠晒搶眼。

第十二屆中國（澳門）國際汽車博覽會

11月11至13日@澳門威尼斯人金光展覽廳

五菱展位：C008