【車展前瞻】吉利新能源領域幾何E

吉利汽車僅僅在傳統燃油SUV上嘅聲勢已經唔使講，隨著新能源及零碳城市等未來指標，為配合今屆2022 中國(澳門)國際汽車博覽會的口號是「智慧車展、綠色澳門」，吉利亦帶嚟幾何C及幾何E兩款型號來澳門車展。

幾何C 2021年款的新車呎吋係長4,432×寬1,833×高1,560（mm），軸距2,700mm。動力方面，幾何C搭載來自日本電產的發動機，最大功率150kW及峰值扭矩310Nm。續航力分別推出NEDC續航里程400km和550km的兩種版本。智能系統上搭載新一代GKUI EV車載互聯網系統，增加日與夜不同模式，另增伴聽3.3、愛趣聽、QQ音樂、酷我音樂等音樂APP等娛樂支援。最特別係响熄匙後仍可透過RPA神奇模式，以手機APP一鍵控制車輛自動泊出泊入、垂直停車及側位停車等多種方式响無動力之下成功泊位。

作為高顏值的智慧型實用代步車，幾何E寬1,765mm、軸距2,485mm，提供320km、380km及401km三種續航版本任擇，輸出最大功率60kW，峰值扭矩130Nm。車頭貫穿式的上下分體日行燈及大燈設計別緻有特色，車尾嘅雙尾翼造型配合幾何形狀嘅刹車燈同尾燈組同樣與車頭呼應，响停車場遠遠都會認得佢。

中控台與座椅上的紅色縫線帶出連貫感，搭配備10.25吋液晶儀表板與10.25吋中控屏拼湊相連，採用L2級駕駛輔助系統；置有

科大訊飛3.5智能語音全新虛擬助手，能夠打電話、聽音樂、問天氣、搵導航、開冷氣同開車窗等多種功能，仲有6種真人發聲任選同你進行娛樂互動，唔怕駕駛途中會悶親。

第十二屆中國（澳門）國際汽車博覽會

11月11至13日@澳門威尼斯人金光展覽廳

吉利展位：C011