【車展前瞻】夏巴三個品牌四款新車參展

夏巴工程(澳門)有限公司旗下代理多個品牌，嚟到第十二屆中國（澳門）國際汽車博覽會除咗展出Suzuki細車之外，仲有法國經典品牌標緻（Peugeot）及中國貨車龍頭JAC嘅純電貨車，陣容鼎盛。

首先係Suzuki，主打當然有5座電趟門家庭車Bandit Solio、越野四驅車Jimny、小辣椒Swift Sport，今年仲會首展兩部改版新款車型：小車Hustler以及載貨好幫手Every Van。

Hustler今年小改款，本來已經有多顏色選擇做賣點，這次有新色「珊瑚橙」，顏色總數去到13款。外型方面，新增型格車頂導軌及跟車頂同色泵把，仲有多項設備升級，包括大家最常用的360度全景色泊車鏡頭。

備受大小企業喜愛的貨Van Every今年亦有升級，新增循跡控制系統，令駕駛時更穩定，載重量亦有升級，載貨更輕鬆！

Peugeot今年主打商務車，帶嚟全新純電客貨兩用MPV e-Traveller，採用鋰離子電池，電池容量50kWh，最大續航距離238km，提供最大136匹馬力，260牛頓/米最大扭力。配備雙電趟門連腳控感應式開關系統、主動安全煞車系統、前後泊車感應、盲點偵測系統、原廠7吋輕觸屏幕、360度泊車鏡頭等等，配備十足。充電方面慢充7.4kW充滿電只需要約7.5小時，亦支援最快30分鐘充電至80%，實用性高。同場仲有Partner客貨Van，配備1.5L柴油Turbo引擎、日本愛信八前速波箱，性價比極高。

JAC方面，今年引入一部全新純電7.5噸貨車，JAC純電貨車一直响中國擁有領先市場地位，亦係長期備受關注嘅產品之一，目前澳門純電貨車選擇少，今次引入相信會帶動整個電動貨車市場發展。

第十二屆中國（澳門）國際汽車博覽會

11月11至13日@澳門威尼斯人金光展覽廳

夏巴工程(澳門)有限公司展位：A002