【車展前瞻】蔚來六款智能精選來澳參展

响11月11至13日嚟澳門威尼斯人金光展覽廳參加「第十二屆中國國際汽車博覽會」嘅中國電動車品牌蔚來汽車（NIO），佢哋自從打入挪威巿場後，早前更宣布以租訂形式响德國、丹麥、荷蘭同瑞典四個國家插旗，推出名為NIO Subscription嘅租貸服務當然，咁樣對車廠嚟講都係具有靈活性。歐洲大部分國家都習慣租車唔買車，返嚟我哋亞洲巿場，就梗係買番㗎自己嘅愛車先至夠實際。

今次蔚來帶咗6款車嚟參展，包括有搭載品牌首創AR/VR技術，戴咗AR眼鏡行車時完全唔需要睇儀表板嘅NIO ET5 智能電動轎跑、配備150 kWh電池令續航里程去到930公里嘅NIO ES7 中大型SUV，佢仲有埋自動駕駛系統㖭。仲有品牌旗下新鮮熱辣嘅首款豪華旗艦級高性能智能轎跑 NIO ET7，搭載 150 kWh 電池嘅最高階版本達 1,000 公里最大續航力，配備嘅Aquila 超感系統擁有33個高精度的傳感器，內建四顆 NVIDIA DRIVE Orin 晶片，官宣綜合算力有 1016TOPS，特別強調ET7嘅運算能力比7台Tesla FSD電腦加埋仲要快。

雙門智能電動轎跑SUV NIO EC6睇落充滿科技感，其實都內置咗好多黑科技輔助服務；定價比較親民嘅就有智能電動全能SUV NIO ES6；大家庭或者商務用嘅NIO ES8 智能電動旗艦SUV有六/七座版可選。

第十二屆中國（澳門）國際汽車博覽會

11月11至13日@澳門威尼斯人金光展覽廳

蔚來展位：C006