全新Acura NSX S亮相Monterey Car Week

近日喺美國加州舉辦嘅Monterey Car Week，擁有600匹嘅全新2022 NSX Type S成為今次車展嘅絕對焦點之一。據官方透露，作為Acura旗下精工製造嘅終極體現，新車擁有更快嘅加速、更銳利嘅操控能力，同埋更加激情嘅駕駛體驗，作為頂尖Hybrid電動超跑，絕對讓眾多車迷及觀眾印象深刻。

NSX Type S 嘅全新設計細節引人注目且具有侵略性，具有更大、更有角度進氣口嘅車頭，同埋車尾更大擴散器將協同工作，以增強車身高速穩定性。其新造型碳纖維前擾流板通過引導汽車下方嘅氣流，來最大限度地減少車底升力氣流。為幫助冷卻更強大嘅引擎發，新車擁有更大嘅鬼面罩設計之餘，設計師仲額外開多四個開口，將空氣引導到車頭副散熱器之中。

新車動力系統由高輸出嘅twin-turbo V6 引擎連Sport Hybrid SH-AWD三電機混合動力系統所組成，自NSX 誕生以來一直處於開創性地位。作為Acura旗下中動力最強組合，呢套動力系統可以輸出600匹馬力同埋 667Nm扭力。值得一提嘅喺，NSX S所搭載嘅3.5升twin-turbo V6引擎採用75度夾角，安裝有更高流量嘅新型噴油嘴，已提高25%燃油流量。其中，TMU雙電機單元為前輪提供動力，並喺彎道中提供主動扭矩矢量，讓新車操控更加銳利。

新車擁有嘅IPU智能動力裝置，為電機引擎提供動力效率有所提升，電池整體容量提高20%之餘，電池輸出亦提高10%。更高容量同埋輸出，讓工程師能夠重新調整Sport Hybrid SH-AWD系統，並且提高集成動態系統中所有四種模式下性能，並提供更大EV 續航里程。