全新BMW M4 GT3氣勢十足

曾於今年四月流露出多張新車諜照嘅BMW M4 GT3，近日終於正式亮相，新車基於全新BMW M4 Competition所打造，採用代號為P58嘅3.0升直列六缸M TwinPower Turbo專業賽用引擎，為BMW研發部門專門為新車量身打造，擁有590匹馬力輸出，每升功率達到驚人嘅197ps，相比早前BMW發布嘅M6 GT3賽車更為激進。搭配Xtrac 6速波箱連電控液壓式離合，可以讓車手能夠更為精準嘅進行換擋操作。

現時，新車喺到進行緊最終嘅調教工作，一切只為6月26日進行嘅第四輪Nürburgring Endurance Series (NLS)比賽作準備。與BMW M6 GT3賽車相比，BMW M4 GT3唔單止擁有更大嘅馬力之餘，駕駛性能、成本效率及操控都得到非常大嘅改善。並且，相對於傳統賽車駕駛艙嘅環境更為舒適。成本方面，得益於全新技術，新車嘅引擎同埋波箱使用及維護保養週期都得到大幅延長。

新車咁多項數據都有所提升，但喺，唯有個價錢竟然有所下降，新車淨價只需415,000歐元，相比佢嘅前身BMW M6 GT3竟然仲要低咗成4,000歐元。車主仲可以揀埋廠房配套嘅Competition Package，唔單止有耐力賽頭燈同埋倒車印象功能等設備，仲會包埋一套BMW M4 GT3 駕駛模拟器，就算大風落雨都可以喺家中感受新車帶來嘅超凡體驗。

（資料來源：BMW Group）