全新Ford Mondeo國內亮相，愈睇愈似韓系車？！

近日，Ford汽車在全新揭幕嘅Ford中國設計中心正式發佈新一代Ford Mondeo。作為全新設計語言「勢能美學」嘅最新演繹，新一代Mondeo不僅充分融合了Ford設計精髓及當代中國消費者潮流審美認知，更呈現出前瞻科技與人性化體驗與設計交融嘅最新進展。作為Ford品牌知名嘅全球車型，歷代Mondeo廣受全世界消費者嘅歡迎，自2004年首次登陸中國市場後，Ford Mondeo迅速以運動化嘅造型語言與前瞻性嘅技術體驗樹立起鮮明獨特嘅形象。

隨著汽車市場日益變化，大家對於車輛嘅審美亦變得唔同，Ford曾經作為美式肌肉房車嘅主要生產商之一，旗下各種車型都擁有品牌自己嘅獨特設計風格。曾幾何時，Ford Mondeo喺世界各個角落紅極一時，四門房車嘅定位，讓Mondeo好似Toyota Camry、Honda Accord一樣，成為Ford品牌旗下主打產品，並且喺1993年評選為歐洲風雲汽車。從果時開始，Mondeo 就包含有獨一無二嘅元素。

同上代車型相比，小編認為新一代Mondeo睇落去更加注重科技感，貫穿式頭燈及一體式鬼面罩猶如韓式車設計，失去上一代車型各處嘅肌肉感。車身同埋車頂兩種唔同顏色，睇落去非常花心思，搭配整車設計，雖然會讓人望多幾眼，但喺就少咗啲車迷對於肌肉感車型嘅衝動。可以預見嘅喺，新車絕對喺一台市場導向嘅車型，面對國內強大嘅汽車市場，相信新車嘅銷售數據唔會太差。對於新車嘅外型，如果你有唔同嘅睇法，記得留言同小編一起分享下。