全新Toyota Aqua：節能環保大空間

近日，Toyota官網發表全新家用座駕Aqua，海外名稱為Prius c。新車作為純混合動力緊湊型車型，高效能動力系統比上一代車型相比，提高20%燃油效率，每升燃油可行駛35.8 公里，並且有空間魔術師稱號嘅Toyota，賦予緊湊型新車極大嘅車內空間，非常之啱年輕人家庭第一部車。

創新嘅電池技術令全新Aqua成為世界上第一款使用高輸出雙極鎳氫電池作為電驅動電池嘅汽車，與上一代Aqua配備的鎳氫電池相比，新電池實現咗約兩倍輸出，並且擁有更快嘅加速反應，同埋平穩性。喺城市內，全新Aqua可以使用純電驅動，大大降低燃油消耗。

新車仲配置咗動能回收系統，通過Power+模式車主只需放鬆油門踏板，即可產生再生製動力，並且平穩降低車速。最新一代Aqua亦喺第一款採用 E-Four嘅車型，就算喺落雪地面，系統亦能保障駕駛安全。仲有標配最新版Toyota Safety Sense，配備最先進嘅主動安全功能：預碰撞安全功能嘅操作範圍擴大，涵蓋左轉時發生嘅事故。其次仲有全速範圍雷達巡航、車道追踪輔助 (LTA)同埋 Plus Support功能。