只需六萬，東莞製造經典Ford Model T你都可以擁有

美國汽車巨頭Ford，喺110年前生產咗一台當時家喻戶曉嘅四輪房車Model T，作為第一台大規模生產嘅汽車，Ford Model T讓更多人愛上咗駕駛嘅樂趣，成為品牌經典。喺110年後嘅今日，雖然汽車進化得愈來愈快，如果你熱愛經典，想擁有一台屬於自己嘅Ford Model T，只需要最低6,100美金，你就可以喺內地網購網站alibaba上購得。

呢則消息絕對唔喺開玩笑，東莞電車製造商廣東亞天實業有限公司，以Ford Model T嘅外型，打造咗一部擁有48V電機引擎嘅高爾夫球車。呢台高爾夫球車嘅外型，完全繼承咗Ford Model T標誌性嘅引擎罩和格柵設計、圓形大燈、鍍鉻金色飾條等經典特徵。內置電機擁有5kW功率，最高時速可達到30km/h，根據官方數據顯示，呢架內地製造Ford Model T擁有100km續航里程，而充滿電需要8至10個鐘。

此外，呢架電動車可以可選附加功能，包括安全帶、遮陽罩、備用輪胎、車門、定制徽章、MP3 播放器和「根據您的要求提供的任何其他選項」，外國車迷大呼神奇，亦有部分車迷對於連運費只需60,000MOP嘅價格，就可以擁有一台可以駕駛嘅經典車型，真喺非常之抵。除此之餘，亦有網友對於內地企業將經典車型電氣化改造嘅創意，表示讚賞。