平治推全新S-Class防彈車，連AK47都射唔穿

近日，平治喺官網公布咗一款擁有最高民用防護等級嘅S-Class四門房車，呢款代號為S 680 GUARD 4MATIC嘅防彈四門房車，採用特殊鋁制外殼，防護等級可以達到VPAM VR10，並通過Beschussamt Ulm彈道測試，簡單來講即喺車身各處用AK47突擊步槍直接射擊都射唔穿之餘，更可抵抗炸藥嘅衝擊。車門多層玻璃採用夾層式設計，厚度符合VR10 安全等級要求，玻璃內表面更塗有聚碳酸酯，以防碎裂。

為國家元首及VIP重要人物而設計嘅S 680 GUARD 4MATIC，內部空間完全貫徹iSS 概念，並且喺舒適度方面完全唔輸虧長軸S-Class豪華房車，通過Sensual Purity 設計理念無縫要求，各項細節亦要保持一致：包括主動照明、OLED後排顯示屏、後部安全氣囊等80多種個性選項，全都擁有。

動力系統方面，新車採用6.0升V12雙渦輪引擎，經過大量改造，除咗全鋁製曲軸箱，更有一體式鏈傳動、由優質調質鋼製成硌鍛造曲軸、鍛造活塞同埋帶有十二個雙點火線圈硌多火花點火系統，讓引擎可輸出612馬力 同埋最大830 Nm扭力。新車首次搭載嘅四輪驅動技術，同V12引擎相結合，擁有動力系統重量輕、牽引力同埋駕駛安全性最佳，以及最高水平嘅乘坐舒適性連駕駛動態等優點。