新一代Audi RS3原型車亮相

Audi車迷萬眾期待嘅新一代小鋼炮RS3終於亮相，新車基於現款Audi A3所打造，依然將保留四門Sedan連同四門Hatchback嘅配置，雖然官方暫未公布更多車身細節，但係唔難睇出新一代RS3整體造型依然十分兇猛，家族式純黑鬼面罩睇落去非常霸氣，而車尾四出排氣亦改為雙出，Hatchback車型喺車尾更配有小型尾翼。

作為Audi旗下「扮豬食老虎」嘅代表車型，歷代RS3嘅動力系統絕對喺怪獸級嘅存在，新車依然將採用Audi獨有2.5升直列五缸渦輪引擎連同quattro全時四驅系統，相信0至100km/h只需4秒內根本冇難度。而根據官方介紹，新一代車型亦將尋找更多駕駛樂趣，除咗繼承上一代動力系統，動力系統之中更會添加一具全新研發嘅主動式後橋扭矩分配器，採用最新一代電子控制多片離合。而官方資料記載中說明，全新研發嘅主動式後橋扭矩分配器主要喺為咗壓制RS3嘅最大短板轉彎轉向不足嘅問題。喺動態駕駛中，全新扭矩分配器將動力有效嘅傳輸至載荷較高後胎到，彌補車輛轉向不足嘅問題，尤其喺高速轉彎時，為車主提供更為精準嘅轉向。讓人十分期待新一代Audi RS3是否能擺脫「彎道亡」之名。

除此之餘，新車依然將保有五種駕駛模式，日常舒適模式下，扭矩分配器依然將大多數扭力分配至前驅，可為車主日常駕駛而慳油。而動態模式或RS Torque Rear 模式中，扭矩分配器依然將大多數扭力分配至後驅，以獲得最大嘅靈活性和更高嘅動態性，並且，喺RS Torque Rear 模式下，車輛可以以純後驅模式行駛，更可以完成漂移等後驅車必備動作。最後仲有專為賽道設計嘅RS Performance模式，扭矩分配器將提供動態駕駛體驗，只為減低新車出現嘅轉向不足嘅主要問題，擁有更快嘅過彎速度，並且引擎同波箱亦將全力輸出，只為車主喺賽道上取得更好成績。