新一代小改款平治CLS亮相
平治官網公布新一代CLS豪華四門房車，新車相較於上一代車型有多處小改，其中標準版AVANTGARDE外觀將附帶上一代CLS AMG系列嘅車頭直通式保險杠，並配有純黑色擴散器，車身兩側更飾有電鍍漆飾條，彰顯新車嘅獨特活力。而更加運動嘅新一代CLS AMG Line則亦有改變，配有AMG專屬車頭包圍連黑色車頭風刀之餘，車頭鬼面罩改為AMG系列獨有瀑布式橫間樣式，車身側面亦配有AMG門檻板，而車尾AMG專屬小型尾翼，可為新車喺高速時帶來更多穩定性。
動力方面，新一代CLS與上一代車型相比，並冇太大變化，除咗油渣引擎之餘，港澳常見嘅入門版CLS 350依然採用2.0升四缸渦輪引擎，可輸出299匹馬力及220kW扭力。而動力更為充沛嘅CLS 450 4MATIC則採用3.0六缸渦輪引擎連48V輕混系統，可輸出367匹馬力及270匹扭力，因搭載4MATIC四輪驅動技術，CLS 450 4MATIC嘅加速成績非常耀眼，0至100km/h只需4.8秒。
內飾方面，五種全新組合雙色車內飾連純色真皮座椅，更能體驗新一代CLS豪華品牌嘅定位，全新設計嘅方向盤以Nappa皮革所包裹，並飾有黑色輻條及電鍍銀色裙邊，標配銀色換擋撥片亦喺新車嘅運動配置之一，而方向盤邊緣配有嘅生物靜電傳感器，可用於識別車主智能調節車內配置。新車中控儀表版採用新一代平治標準設計，兩塊全數字LED高分辨顯示屏可為車主提供車內所有信息。
除咗普通版車型，AMG CLS 53 4MATIC+亦有唔少升級，使用AMG Line嘅相同鬼面罩設計之餘，車主更可以選配AMG Night Package連AMG Night Package II讓車外觀細節能加精緻。如果想突顯新車嘅運動屬性，選配AMG DYNAMIC PLUS套件絕對能幫到你，包括紅色運動型制動動迫力卡鉗、Nappa皮革連DINAMICA纖維組成嘅運動方向盤，更可以額外解鎖RACE Mode及漂移模式，絕對能滿足鐘意運動座駕嘅車主喜好。
Comments