新款KIA Sorento PHEV，會唔會來澳門呢？

近日，KIA於官網公布，品牌旗下SUV Sorento將加入全新PHEV車型，作為KIA Plan S電氣化戰略嘅最新成員，新車擁有更為環保及強大嘅動力輸出，根據資料顯示，新款Sorento PHEV好有可能喺提供最大乘客空間嘅PHEV SUV，十分值得期待。

新車依然建立於KIA N3多功能平台之上，其中軸距比上代車型增加近3.5cm，新車亦著重改善駕駛體驗及平順性、操控性能、噪音同埋震動，並通過多載荷路徑車身結構，強化車身整體剛性。新車亦安裝有帶中央差速鎖嘅AWD全驅系統，為車輛提供強大嘅牽引力。動力採用66.9 kW電機連1.6 升渦輪增壓引擎，可輸出261匹馬力，車身中部嘅13.8kW電池可以單獨放電，為車輛提供32公里續航里程。

新款Sorento PHEV提供全套標準Kia Drive Wise高級駕駛員輔助系統 ，包括BCA-Rear後盲點防撞輔助系統、DAW駕駛員注意力警告系統、FCW前向碰撞警告、FCA前向防撞輔助等非常之實用嘅安全配置，值得一提嘅喺新車所搭載嘅Safe Exist Assist系統將會提醒車主及乘客開門時嘅車邊情況，可以避免車主及乘客落車時，後方車輛爬頭而造成嘅意外，相信喺澳門狹窄嘅街道格外好用。暫時未有消息指出新車會進入澳門，但喺作為家庭用車可以話喺完全符合各種需要，非常期待本地經銷商引入呢款集齊節能環保理念及各種安全設備嘅全新座駕。