林寶堅尼以超班碳纖維架打造賽車安全

今時今日科技日益進步，愈來愈多Hypercar已經進化為貼地飛行器，保護好每一位車主嘅安全，成為每一個Hypercar品牌最為重視嘅話題之一。其中，林寶堅尼對於車輛安全性嘅追求更喺十分執著，頂級賽道定製版車型Essenza SCV12更加喺市場上第一部使用全碳纖維底盤嘅車型，而使用全碳纖維底盤，不單止大幅降低車身重量之餘，亦保障車主喺賽道高速駕駛時嘅安全性。

新車碳纖維車體大有來頭，Essenza SCV12作為可上路街車，安全等級可符合FIA Hypercar賽車安全標準。其中，新車所使用嘅碳纖維材料，凝聚咗林寶堅尼三十年研究複合材料嘅成就。而技術人員對於新車嘅碳纖維車體進行咗進行大量結構調整，需要達到承受超過12噸嘅衝擊力，並且唔會出現明顯嘅變形等情況。除此之餘，碳纖維車體需要完成超過20項靜態測試，保障新車嘅安全性。

唔講唔知，Essenza SCV12配備嘅兩張OMP FIA 8862座椅同樣都喺用碳纖維所打造，並固定於碳纖維與普通車相比，座椅重心更低之餘，乘坐姿勢猶如Formula One車手，訓住喺到，而呢種姿勢有助車主喺賽道中抵消重力加速度，並且如果車都發生事故，車主能更好抵消衝擊力。其次，車身兩側配有防撞裝置，可抵禦車側事故對於車主嘅威脅。