為你詳解全新平治EQS：全新理念融合最新科技

當平治CEO Ola Källenius喺今年4月份時公布全新平治EQS果時，佢將新車描述成為世界上最歷史悠久嘅汽車生產商，對於未來做出嘅最重要嘅決定，而隨著近日全新平治EQS數據全面公布，設計師喺新車投入大量心血，使用多項全新理念並融合最新科技，勢必打造豪華電動房車標杆。

根據官方介紹，全新平治EQS將會率先推出兩個版本，分別為後驅EQS 450+，同埋四驅EQS 580 4MATIC，兩款車型都將採用PSM永磁同步電機，而EQS 580 4MATIC車型則喺前軸多出一個eATS動力系統。其中，EQS 450+動力總成可輸出245kW連568Nm，而EQS 580 4MATIC則可輸出385kW連855Nm。

全新EQS搭載嘅動力回收系統，可讓車輛喺唔踩刹車嘅情況下，減速至靜止。而呢套系統亦十分智能化，如果系統偵測到車前有其他車輛處於靜止狀態，例如等緊紅綠燈，智能恢復會喺ECO Assist 嘅幫助下根據情況對於刹車進行優化，並有遠見地採取行動，將刹車動能進行回收。車主亦可以通過方向盤上嘅換擋撥片去設置動能回收系統，讓車輛符合當前行車狀況。

根據WLTP標準，EQS 450+擁有高達780公里續航里程，而EQS 580 4MATIC亦有超過670公里，呢個超班數據全靠新車所搭載嘅新一代高能量密度電池，讓新車擁有更長嘅續航能力。並且，新車可以使用日常22 kW交流電充電之餘，喺平治所打造嘅Mercedes me Charge可再生能源電網內，使用Plug & Charge直流快充為新車充電，只需31分鐘。

EQS 580 4MATIC 內部絕對亮點喺標配嘅 MBUX Hyperscree。呢個大而彎曲嘅屏幕單元，幾乎從 A 柱掃到另一邊。其中呢個大屏幕喺由三塊屏幕所組成，設計師將佢哋放置喺一體玻璃蓋板之下，非常具有科技感。通過車內所搭載嘅人工智能軟件，MBUX 可以完全用戶傳遞嘅信息，並可以提供眾多信息娛樂、舒適度和車輛功能等個性化建議。

新車所搭載可以動過分佈喺車輛各處嘅傳感器及攝像頭，來監測車輛周圍環境，其中，停車系統可以幫助車主觀察車輛四周。只要車主預先安裝咗INTELLIGENT PARK PILOT EQS軟件，可以通過智能手機來控制EQS遠程停車，如果仲配備咗Connect 服務，仲可以讓車輛自動駛出駛入停車場，非常之方便。