第十二屆中國（澳門）國際汽車博覽會即將開幕

年度澳門車壇盛事「第十二屆中國（澳門）國際汽車博覽會」仲有倒數唔夠一星期就舉行，由11月11至13日喺澳門威尼斯人金光展覽廳隆重舉行。博覽會由南光集團、中國機械工業集團有限公司及澳門會議展覽業協會主辦，今屆大會主題概念以「無人駕駛」、「新能源」、「零碳城市」為目標，邀請咗國內頂尖新能源製造商、國內研究院及高校等，將無人駕駛、雲軌、車聯網等等嘅高端技術引進澳門，打造「智慧交通」全新車展。會場內將集結逾百間汽車及電單車品牌參展，無論你心水係家庭SUV、跑車定係K Car都一定搵到目標。

今屆車展口號係「智慧車展、綠色澳門」，助力澳門智慧城市建設作定位。來自中外嘅不同參展車商品牌，包括奔馳、寶馬、Audi、Tesla、Volvo，及內地品牌極氪、蔚來、廣汽、幾何等等都以新能源汽車同提倡環保理念為大前題，展示數百款新車，唔少更係首度响澳門亮相。大會响現場亦設不同嘅銀行及金融機構展位，即場買車嘅朋友可以諮詢融資貸款供車嘅安排，仲有好多展商都提供優惠，行過路過都唔好錯過，記住問多兩句呀！

場內除咗年年都咁受歡迎嘅電動車專區同埋電動電單車區，今年更新增設琴澳潮玩創意業地，設有東望洋電競體驗、大衆或專業單車訓練台體驗，可以畀你埋位試玩，另外嘅汽車尾箱市集、單車售賣啱大朋友逛逛買下嘢。

咁大型嘅車展，親子活動當然唔少得，可以從小向小朋友灌輸低碳環保理念同埋從玩樂中學習到交通規則。小朋友响度可以參加親子卡丁車體驗區，寓玩樂於學習、又可參加經典玩具四驅車賽道，體驗一下速度感。以汽車主題嘅充氣城堡「BUBU 車夢幻城」，唔開車都可以响城堡體驗到駕車快感。大個少少可以觀賞潮玩智能車舞，通過燈光和車門開合伴隨音樂節奏，新能源汽車以唔同姿態、組合，呈現出複雜優美動態效果，展現新能源汽車嘅特色同趣味。人多勢眾嘅大家庭可以去潮玩汽車露營區，响睇車之餘仲可以帶埋一家大細嚟玩足一日。

喜歡影相嘅朋友，記住唔好錯過南光國際會議展覽有限公司主辦、由中國工商銀行（澳門）冠名贊助嘅「第十二屆澳門車展——工銀澳門盃攝影大賽」，作品上傳截止日期係11月12日中午12時，仲有大會同交通銀行聯合舉辦嘅「交通銀行盃兒童繪畫大賽」，以繪畫形式向小朋友灌輸正確而規範地學習使用交通工具，培養佢哋交通安全嘅重要性。

第十二屆中國(澳門)國際汽車博覽會

地點：澳門威尼斯人金光展覽廳

日期：11/11 - 13/11

時間：11:00 - 20:00

登記取票抽獎傳送門：https://r.ilinkshow.com/auto2022

駕車人士可享免費泊車

*入場需配戴口罩、量度體溫、出示澳門健康碼及遵從大會健康指引*

主辦單位：

南光(集團)有限公司

中國機械工業集團有限公司

澳門會議展覽業協會