精緻可愛義大利風格全電座駕

講起Fait 500呢部車型，可能大多數港澳嘅朋友都比較陌生，但係喺歐洲， Fiat 500一直同Mini Cooper相提並論，佢以自身可愛嘅外形，同埋小巧靈活嘅身姿，贏得非常多女仔鐘意。早前，FIAT品牌宣佈10年後旗下所有車型都將使用全電驅動，而Fiat 500亦搶先一步率先改變，新一代車型採用全電驅動模式，已成為品牌旗下第一部全電車型。

新車擁有三個特別嘅版本，分別為每個版本分別取於Giorgio Armani、Bvlgari 及 Kartell呢三間世界知名嘅義大利品牌所獨有嘅個性，融合三間品牌嘅創造力及工藝水準，打造全新一代Fait 500全電車型。其中，續航里程同埋插電時間喺FIAT設計新車最為關注嘅重點之一，新車使用嘅42kWh電池，可提供199英里續航（WLTP工況）。車主唔單止可以使用家庭電源為新車插電，車內配備嘅85kW 快速充電系統可在5分鐘內為新車提供行駛30英里嘅能量儲備，只需35分鐘，電池電量即可以插至80%。

追求馬路極速並非Fiat 500設計嘅目的，其中，電機可輸出可達87kW，而最高時速可達到93mph，從0至100km/h需要9秒時間，平穩嘅性能完全符合女性駕駛習慣。新車自帶嘅三種駕駛模式，可以根據車主駕駛風格進行切換，除咗普通Normal模式之餘，Sherpa 模式可優化車內可用電量，將耗電量降至最低，使車輛能夠到達導航系統上設定嘅目的地或最近嘅充電站。而另一個Range模式將激活單踏板模式，通過呢個模式，車主可以通過油門單踏板來控制車輛加減速。

車內設計一直喺Fait 500嘅亮點之一，設計師融合意大利美學經典與未來元素，以簡潔嘅線條來打造新車內飾。車內模塊化嘅設計，為車主及前排乘客提供更闊落嘅空間。為追求環保理念，車內使用大量使用環保材料，除咗座椅使用嘅生態皮革之餘，車內各飾板均採用海洋回收塑料而打造。