耐久性大測試，Audi電動車挑戰Dakar拉力賽

如何證明全電車型是否可靠，當然喺參加地表上最殘酷嘅Dakar拉力賽，比賽中所有參賽賽車都要穿越Dakar無人死亡地帶，經歷每日800公里長距離旅程，跨過山丘等多種地貌，歷年比賽，好多車商都會排出品牌旗下工具車型參加比賽，證明其可靠性。而Audi為咗證明旗下e-tron電動車嘅可靠性，精心打造一台名為Audi RS Q e-tron嘅全電動性能車款，挑戰Dakar拉力賽。

Audi RS Q e-tron嘅動力系統來自當前Audi e-tron FE07 電動方程式賽，前軸同後軸均安裝有電動引擎(MGU)，由於行駛喺沙漠中，完全冇充電機會，而Audi嘅工程師創作咗一種全新嘅充電模式，佢哋將一台DTM車型嘅TFSI引擎安裝喺Audi RS Q e-tron上，通過能量轉換器，可喺駕駛時為車輛嘅高壓電池充電。

表面上睇Audi RS Q e-tron喺一架全電車型，但喺今時今日嘅技術，就算要穿越沙漠等特殊地帶，冇辦法通過自身儲備電池供電，並完成全部旅程。但喺，今次挑戰如果成功，亦可以向世人展示電動車嘅潛力無限，希望未來科技發展，電動車嘅各項技術指標可以更加進步。