限量版Acura NSX Type S即將亮相美國Monterey車展

據Acura官網透露，全新 2022 NSX Type S超級跑車8月12日美國Monterey車展上全球首發，作為Acura有史以來最好嘅公路版NSX，新車融入品牌最為強勁嘅動力輸出，擁有更快嘅加速性能同埋更為敏銳嘅操控能力，為車主提供更為之激情嘅駕駛體驗。

作為限量版車型，Acura準備喺全球範圍內限量發售350台新車，其中300台為美國市場，而另外50台接受全球客戶嘅預定。動力方面，新車依然採用V6雙渦輪增壓引擎連Sport Hybrid SH-AWD系統，三電機嘅配置依然冇變，而相比普通版車型嘅500匹馬力，全新 2022 NSX Type S動力數據上必定有所提昇，但最終數據要等到8月12日Monterey車展後先公布。其次，波箱依然採用世界唯一嘅9速雙離合DCT波箱，為新車提供高效嘅傳動效率。

相比其他Hybrid混動超跑，NSX一直比人一種比上不足比下有餘嘅定位，相比Ferrari嘅混動超跑車型喺動力等數據方面亦略顯不足，但NSX超高嘅性價比，可以讓足夠能力嘅車主一享世代混動超跑嘅獨特魅力。根據官方資料顯示，全新 2022 NSX Type S為該車系最後一年生產，相信品牌會使用更多科技元素武裝新車，有興趣嘅車迷一定要留意。