全新Audi RS3亮相 零至1百3.8秒

0至100km/h 3.8 秒、最高時速可達 290 公里/小時、配置RS 扭矩分配器、半熱熔車胎同埋全新RS駕駛模式，淨喺睇呢幾個數據，你會唔會覺得呢喺一架Super Car？唔講唔知，呢啲數據全部都喺全新Audi RS3嘅驚人表現。7月19日，全新Audi RS3終於亮相品牌官網，新車依然擁有四門Sedan同埋Sportback兩種型號。絕對超班嘅動力配置連四驅模式，賦予新車媲美頂級跑車嘅超強性能。

動力方面，新車依然採用Audi獲奖無數嘅2.5 TFSI直列五缸高性能Turbo引擎，最大可輸出294 kW功率同埋400 PS嘅強大馬力。新車最高時速雖然被限制喺250km/h，但喺車主亦可喺官方4S店鋪進行解鎖，將新車最高時速提高到280km/h。如果咁都未滿足，只要車主另外選配RS Dynamic套件連陶瓷刹車迫力，新車嘅最高時速甚至可以到達290km/h，而呢個數據絕對能稱霸同級別車系。

講到新車亮點，必定要提嘅喺全新Audi RS3裝備一套更為強大嘅四驅系統。其中，新車後橋差速器被新一代RS 扭矩分配器所取代，並且，為咗更好嘅分佈四個車胎嘅扭力，設計師為每個驅動軸上面都安裝咗一套電控多片離合，極大嘅降低歷代RS3轉向不足嘅問題，相信新車車主從此再都唔會懼怕彎道。

因為採用電控多片離合連全新RS 扭矩分配器等新技術，新車可以選擇全新嘅RS Torque Rear後驅漂移模式，選擇呢個模式喺封閉道路上，連Audi RS3都可以漂移！極大嘅增加新車嘅駕駛樂趣。除此之餘，揀選另一個全新RS Performance模式，引擎同波箱靈敏度都將會得到優化，可明顯提昇車主喺賽道比賽嘅表現。

全新Audi RS 3標配咗更大嘅全新研製嘅六活塞鋼製刹車迫力，車主亦可選更高性能陶瓷刹車迫力，數據方面，呢套高性能陶瓷刹車迫力重量比鋼製刹車迫力又輕多十公斤之餘，尺寸更大，其內部通風連鑽孔盤嘅尺寸為 375 x 36 毫米，後部尺寸為 310 x 22 毫米。唔洗講都知刹車性能將有明顯提昇。搭配新車嘅空氣控制套件，刹車迫力冷卻時間縮短咗20%。