首款Bugatti Chiron Super Sport 300+即將交付

Bugatti新一代探索直線性能新維度嘅量產車Chiron Super Sport 300+，現已完成其為期兩年嘅廣泛測試和開發計劃，前8台新車現已準備交付比車主。新車將以高達440km/h嘅速度探索未知領域需要充足嘅動力，工程師賦予Chiron Super Sport 300+ 超過1,600匹馬力嘅巨大功率輸出，由Bugatti標誌性嘅8.0升W16引擎輸出，喺工程師嘅努力下，引擎得到升級，比普通版Chiron輸出功率高出100匹馬力。

Chiron Super Sport 300+嘅流線型車身採用外露嘅墨黑色碳纖維製成，並輔以貫穿汽車中央嘅 Jet Orange 賽車條紋。碳纖維繞流引導空氣繼續流入汽車嘅發引擎罩內，甚至擋風玻璃雨刷。升級版空氣動力學，讓新車可以喺超過420 km/h嘅速度下，保持完全穩定。裝飾超級跑車前角嘅空氣幕將多餘嘅氣壓分散到新車兩側。同時，車輪拱罩和前輪後面嘅出風口將多餘嘅壓力從每個車輪拱罩引導走，通過產生少量負升力來減少阻力。

為將性能提升到前所未有嘅高度，Bugatti工程師為呢款超級跑車嘅引擎和波箱研發咗一種新嘅熱管理系統，確保即使新車以最高速度行駛時，亦能保持引擎同波箱處於最佳工作溫度。對引擎、波箱、動力系統和渦輪增壓器嘅軟件改進亦喺Chiron Super Sport 300+ 嘅必要升級，有助於提高新車整體性能和高速能力。